Имамға сауал: Төсекте күйеуіме қанағаттанбаймын. Не істесем болады? (ВИДЕО)

Уағыз айтып отырған имамға «Төсекте күйеуіме қанағаттанбаймын. Не істесем болады?» деген сауал түсті. Осы орайда молда жас жұбайларды бір-біріне күн сайын көңіл аударып, таза жүруге шақырды.

Оның айтуынша, жақын қарым-қатынасқа түспес бұрын жұбайлар күні бұрын дайындалулары шарт екен. Мәселен, таңертең жұмысқа кетерде жақсы қоштасып, жылы сөздер айтулары шарт-мыс.

«Жұмысыңда отырғанда уақыт тауып, әйеліңе қоңырау шал. Жағдайын сұра. Не істеп жатырғанынан хабардар бол. Бұл екі адамды жақындатады.

Қалай болса, солай киінбей, таза жүріңдер! Хош иісті әтір себіңдер. Арақ ішіп, темекі шегіп сасып жүрсеңдер, әрине, әйелдер сендерден жиіркеніп кетеді», – дейді имам.

Сондай-ақ ол ер адамдарға порно-видео қарамауға да кеңес берді.

«Ондай видео қарамаңдар. Ондағы көретіндеріңіз өтірік, камераға ойнайды олар. Жануар сияқты айналысады махабатпен. Мұндай нәрсені кітаптан оқып үйреніңіздер. Әйелді сипап, аймалап, құшақтап, жылы сөздер айтыңыздар. Міне, сол кезде ғана суытып алмауға болады», – деп әлгі видеолардың ер азаматтарды импонтентке шалдықтыратынын айтты.

Имам жігіттерді төсекте жақсы болуы үшін денсаулығын күтіп, спортпен шұғылдануға кеңес берді.

Дереккөз: Ihsan.kz