Бүгін Қазақстанның басым бөлігінде қар жауып, көк тайғақ болады

Синоптиктердің болжауынша бүгін атмосфералық фронттардың өтуіне байланысты Қазақстанның басым бөлігінде қар жауып, бұрқасындатады. Тек батыста және солтүстік-батыста ауа райы жауын-шашынсыз болады. Кей жерлерде тұман түсіп, көктайғақ болып, жел күшейеді деп мәлімдейді Қазгидромет.

Алматы облысының кей жерлерінде тұман түсіп, көктайғақ болады, Жалаңашкөл аумағында желдің күші 24-29 м/с жетеді.

Жамбыл, Оңтүстік Қазақстан облыстарының кей жерлерінде тұман түсіп, көктайғақ, бұрқасын болады және жел 15-20 м/с күшейеді. Жамбыл облысында түнде желдің екпіні 23 м/с жетеді.

Батыс Қазақстан облысының кей жерлерінде көктайғақ болып, күндіз жаяу бұрқасын соғып, жел 17-22 м/с күшейеді.

Күндіз Атырау облысының кей жерлерінде жел 15-20 м/с күшейеді.

Қызылорда, Ақтөбе, Қостанай, Солтүстік Қазақстан, Павлодар, Шығыс Қазақстан, Қарағанды облыстарында тұман түседі, Қарағанды облысында жаяу бұрқасын соғады.

Дереккөз: Sputniknews.kz