Қоғам 26.02.2018 сағат 11:58

Шымкентте мектеп терезесінен секірген оқушы аман қалды

Шымкенттегі №18 мектептің 9 сынып оқушысы екінші аусым сабағының ортасында терезеден секіріп кеткен деп хабарлайды қалалық білім басқармасының баспасөз қызметі.

Бөлісу
Бөлісу
Бөлісу

Басқарма өкілдерінің айтуынша, 20 ақпан күні оқушы қомақты қаржыны жоғалтып алғанын аңғарады. Соның салдарынан, қатты күйзеліске түскен қыз 2 қабаттағы терезеден секіруге бел буған.

«Бойжеткенді райынан қайтару мақсатында, мектеп психологы мен мұғалімдер, 20 минут бойы оны сабырлыққа шақыруға тырысқан. Тіпті, оқиға орнына полиция қызметкерлері мен жедел жәрдем де тартылған. Алайда барлық жұмылдырылған әрекеттерге қарамастан, оқушы қыз терезеден секіріп кеткен» делінген хабарламада.

Абырой болғанда, Аскар Усенов атты мектеп қызметкері бойжеткенді терез астында қағып алды. Бұл ерлігі үшін барлық мектеп ұжымы оған өз алғысын білдірді, – дейді мектеп директоры Гүлназ Омарова.

Бойжеткенге оқиға орнында алғашқы медициналық көмек көрсетілген. Қазіргі жағдайы қалыпты, дәрігерлер мен психологтардың жіті бақылауында.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар