Қоғам 27.02.2018 сағат 03:03

Астанадағы абақтыдан қашып кеткен қылмыскер ұсталды

Астанадағы тергеу изоляторынан қашып кеткен қауіпті қылмыскер Қарағанды облысында ұсталды. Оны ұстау үшін құқық қорғаушылар екі тәулікке жуық іздеу шараларын ұйымдастырды. Бұл туралы ҚР ІІМ Қылмыстық атқару жүйесі комитеті мәлімдеп отыр.

Бөлісу
Бөлісу
Бөлісу

Еске салайық, 25 ақпан күні сағат 11:00 шамасында ҚР Қылмыстық кодексінің 188-бабы 2-тармағы бойынша 5 жылға сотталған Арғымбаев Ерасыл Қайыргелдіұлы (30.12.1982 жылы туған) Астанадағы ЕЦ-166/1 мекемесінен қашып кеткен болатын.

"Жедел іздестіру шаралары барысында Қарағанды облысы бойынша Ішкі істер департаменті Нұра аудандық бөлімінің қызметкерлері Аxмет аулының маңайында "Жигули" көлігін тоқтатқан. Тексеру кезінде көлік салонында қашқын қылмыскер отырды. Ол ұстау барысында қарсылық білдірген жоқ. ҚР Қылмыстық кодекстің 426-бабы бойынша бас бостандығынан айыру мекемелерінен қашқаны үшін үш жылға дейін бас еркіндігінен айыру жазасы қарастырылған", - деді ҚАЖК баспасөз xатшысы Ғалымжан Хасенов.

Ерасыл Арғымбаев бұған дейін бірнеше рет сотталып, жазасын түрмеде өтеп шыққан. Ол 25 ақпан күні Астанадағы тергеу абақтысында сотын күтіп жатып қашып кетті. Астана қалалық ІІД қала бойынша бірден бағдарлама таратып, оның фотосын жариялады.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар