$ 443.85 € 474.3 ₽ 4.8
Бүгін Ақмола облысының Қажымұқан ауылында 6 жасар сәбиді өз ауласындағы иті талап өлтірді. Оқиға түс ауа болған деп мәлімдеді КТК телеарнасы.
Үй ауласында кішкентай Дамир итпен ойнап жүріпті. Бұл оның күнделікті әдеті екен. Отбасының асырауындағы төртаяқты болған соң хайуан мен баланың достығына ешкім тосқауыл қоймаса керек. Бірақ ит иттігін істеген. Баланы бас салып талап, жұлма-жұлмасын шығарыпты. 6 жасар бүлдіршін қарсыласып та үлгермеген. Айғайды естіп жүгіріп шыққан әкесі үйінен мылтық алып келіп, итін атып тастаған. Бірақ бәрі де кеш еді. Қан-жоса болып сау-тамтығы қалмай таланған бала өліп кеткен. Қазір Қажымұқан ауылында полиция оқиға бойынша тергеу жүргізіп жатыр. Ит құтырған ба, жоқ па, анықталу үстінде.
