Дәрігер ауруханаға бас жарақатымен түскен науқасты шатастырып, аяғына операция жасап тастаған

Үндістанның Дели қаласындағы мемлекеттік ауруханалардың бірінде дәрігер бас жарақатымен түскен науқасты шатастырып, аяғына операция жасап тастаған деп жазады Lenta.ru.

Дәрігер бас жарақатын алған емделушіге наркоз құйып, ұйықтатып, сау аяғын тескен. Кейін операцияның қате жасалғаны белгілі болғанда науқастың аяғындағы темір қайта шығарылған.

Қателік жасаған дәрігердің үстінен әлі арыз түспеді. Алайда аурухана басшылығы енді барлық операцияны тікелей өздері қадағалайтын болды.