Қайын сіңлісінің қорлығынан шаршаған қызылордалық келін мұңын шақты

"Үш жыл бұрын тұрмысқа шықтым. Дәстүр бойынша келін қайын сіңлісіне сыйлық жасауы керек. Мен оған кардиган сыйладым. Өкінішке қарай, киім оған шақ келмеді.

Ол толықша келген әйел болып шықты. Алайда оның толықтығын бетіне басу ойымда болған емес. Бір аптадан кейін мен оның сыйлығымды еден жуатын орамалға айналдырғанын көрдім. Ешетеңе айтпасам да, оған деген жылы қарым-қатынасым жоғалып кетті", - дейді жас келін.

Бақыттың қайын сіңлісі тұрмыс құрмаған және өмірлік махаббатын жолықтырмаған адам болып шығады. Тұрақты жұмысы да жоқ әйел ақшаны ағасынан алып отырады екен.

"Оған жақпайсың. Үй шаруасына көмектескен емес. Алайда пісірген тамағым да, үй жинағаным да оның көңілінен шықпайды... Ең сорақысы, ол күйеуімді маған қарсы қоятынды шығарды.

Тойдан кейін бір жыл өткенде ұлды болдым. Ол баламның әкесіне тартпағанын айтып, мені опасыздық жасадың деп айыптауда", - дейді Бақыт.

Келіншек қайын сіңлісінің оларға ақшалай тәуелді екенін айтуда.

"Ол жоғары заңгер білімі бар болса да, жұмыс істеп көрген емес.Оған жұмыс табуды ұсынып едім, жанжал шығарды. Бір күні сырғамды ұрлап алғанында, бұл туралы енеме айтып едім, енем менімен бір апта бойы сөйлеспей қойды. Көп ұзамай қайын сіңлім сырғамды өзіме қайтарды. Кезекті жанжал кезінде қайын сіңлім мені қатты итеріп жіберіп, құрсақтағы баламнан айырылып қалдым", - дейді Бақыт.

Бойжеткен қайын сіңлісімен бір шаңырақта тұра алмайтынын алға тартты.

"Ондай адаммен бір үйде тұру мүмкін емес... Ол өзін тастап жіберген адам. Артық салмақ жинап алғаны соншалық, 40 жастағы әйелге ұқсап қалған.

Ең қиыны, оның кесірінен күйеуім маған суып кетті. Енем де мені жақтырмайтын болды. Отбасымның болашағы үшін қорқамын. Күйеуім бөлек шығуға көнер емес", - деп мұңын шақты Бақыт.