Қоғам 14.08.2015 сағат 06:19

Шымкенттегі жарылыс кезінде екі адам зардап шеккен

Оңтүстік Қазақстан облысында соңғы екі күннің ішінде екі мәрте жарылыс болды. Қолдан жасалған жарылғыштың кесірінен екі тұрғын зардап шеккен деп хабарлады жергілікті ақпарат құралдары.

Бөлісу
Бөлісу
Бөлісу

Облыстық ішкі істер департаментінің (ОҚО ІІД) хабарлауынша, тамыздың 13-і күні таңертең Чапаевка елдімекенінде болған жарылыстан 39 жастағы ер адам зардап шеккен. Алдын ала болжам бойынша, ол адам қолдан жасалған жарылғыш заттың жарылысынан жарақат алған.

Содан бір күн бұрын, тамыздың 12-і күні тағы бір қолдан жасалған жарылғыш зат жарылып, 11 жастағы қыз бала зардап шеккен. Полиция сәрсенбідегі оқиға бойынша Чапаевка ауылының 22 жастағы тұрғынын күдікті ретінде ұстаған

ОҚО ІІД ақпаратында екі күн қатарынан болған жарылыстардан зардап шеккендердің аяқтарына зақым келіп, «бірінші дәрежелі күйік» алғаны айтылған.

2012-2013 жылдары Шымкенттің Чапаевка елді мекенінде болған бірнеше жарылыстар салдарынан бір адам ауыр жараланып, екі адам орташа дәрежеде жарақаттанған еді. Жергілікті құқық органдары сол жарылыстарға қатысы бар деген күдікпен ұстаған үш адамның ісін қараған сот былтыр көктемде оларды айыпты деп танып, екеуін 14 жылға және біреуін 13 жыл мерзімге соттаған.

 

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар