Жастарды жігерлендірген Жолдау

Елбасының «Қазақстандықтардың әл-ауқатының өсуі табыс пен тұрмыс сапасының артуы» тақырыбындағы дәстүрлі Жолдауы ерекше серпін берді. Әсіресе еліміздің болашағы жастар үшін айрықша. 2019 жылы еліміз бойынша «Жастар жылы» деп жариялауы бұл ұлт тұтқасын ұстар жастарымыз үшін зор қуаныш, мол мүмкіндік, әрі үлкен қолдау, әрі үлкен сенім. Жалпы Елбасымыз кез келген жиындар мен келелі отырыстарда, үлкен мінберлерді жастар мәселесін күн тәртібінен тыс қалдырып көрген емес. Елдің жарқын болашағы жастарға үнемі көңіл бөліп, оларға қамқорлықтарды күшейтіп, тиісті мекемелерге нақты тапсырмалар беріп, тың бағдарламалар ұсынып келеді. Жаңа Жолдауда да жастар мәселесіне кеңінен тоқталып, жұмыссыздық пен басқа да әлеуметтік жағдайларын жақсарту жайын жан-жақты талқылап, тығырықтан шығу жолдарын айқындап берді.

Биылғы Жолдауда еліміздің экономикалық дамуы мен білім сапасының сол сияқты басқа да салалардың кемшіліктерін айта келе, ескі көзқарастан арылып, қарқынды өрлеуге бастайтын тың идеаларын ортаға салды. Бұл еліміздің көркейту жолына баспалдақ болатын төте жолды көрсеткен тарихи маңызға ие деуге де болады. Адам адал маңдай терін төгіп, еңбексүйгіш, өзінің сүйген кәсібін жетік білгенде ғана жалақы алуға және жеке кәсібін дөңгелетіп, мол табысқа кенелуге болатынын атап өтті. Бұл өте көңілге қонымды ой, сонда ғана біз мемлекет пен адамдар күш біріктіріп Жалпыға Ортақ еңбек қоғамын құруға болатынын көрсетеді. Жолдаудың тақырыбы айтып тұрғандай әл-ауқатымыздың жақсы болуының маңызды бір сипаты білім беру мен денсаулық сақтау саласы, тұрғын үйдің сапасы мен қолжетімділігі. Бұл бағытта да ұлт көшбасшысы Үкіметке әлеуметтік секторға, қауіпсіздік пен инфрақұрылымға баса мән бере отырып, бюджет шығыстарының басымдықтарын қайта қарауды тапсып, тез арада мардымды жұмысқа кірісуді жүктеді.

Жолдаудың тағы бір айрықша жүрек тебірентер тұсы, ол ауылдық жерлердің әлеуметтік ортасын жаңғыртып, «Ауыл – ел бесігі» жобасын ұсынуы. Расымен ауыл десе ет жүрегі елжіремейтін жан кемде кем шығар. Қазақтың түп тамыры ауылда жатыр. Елбасы сөз барысында өзі де ауылдың тумасы екенін тілге тиек етіп, ауыл десе көңілінің қыран құсы алып ұшатынын сездірді. Бұдан Елбасының туған жер, туған өлкесі, сүйікті отанына деген перзенттік шексіз махаббаты алаулап тұрды.

Жоғарыда атқандай Жастар жылы елімізде жастар мен отбасы институтын кешенді қолдау, әскери-патриотизм тәрбиесін нығайтып, жастардың барлық санатын қолдауға арналған шараларды толық қамтитын ауқымды платформаны қалыптастыруды айтты. Еңбек арадгерлерін, үлкенді сыйлауды, олардың өнегелі жолын насихаттап, үлгі тұту керек екенін ескертті. Ел жастарының өз жерлерін танып білу керек екенін айта келе туризм саласын ілгерлету, осыларды жүйелі ұйымдастыра біліп жастарды өз жерін құрметтеп, қадірлеп, ұлтжанды, отансүйгіш болуына ықпал жасау керек деді. Қорыта айтқанда, Жастарға жігір берген Жолдауды ел болып қолдап, жарқын болашаққа, арман-мақсатқа бірге жетейік.

Ізтөлеу Түсіпов