Қоғам 17.09.2015 сағат 12:58

Азаматтық қоғамдармен байланыс орнату бойынша меморандумдар түзіл­ген

«Оңтүстік Қазақстан облысы мемлекеттік қызметшілерінің арасында еңбегіне адал орындаушылық қабілеті жоғары мамандар көп, бірақ жемқорлықты бизнеске айналдырғысы келетіндердің де ұшырап отырғандығы көңілді қынжылдатады» дейді ҚР Мемлекеттік қызмет істері және сыбайлас жемқорлыққа қарсы іс-қимыл агенттігінің Оңтүстік Қазақстан облысы бойынша департаментінің басшысы Мұрат Ахметов.

Бөлісу
Бөлісу
Бөлісу

Департамент басшысының мәлімдеуінше, оларды дер кезінде ауыздықтап отыру үшін іс басындағы мемлекеттік қызмет­­керлерді кешенді аттестаттаудан өткізіп отыру маңызды. Бұл орайда Мемлекеттік қызмет істері және сыбайлас жемқорлыққа қарсы іс-қимыл агенттігінің ОҚО бойынша де­партаменті тарапынан реформаны қолдауға белсенді қатысуды және азаматтық белсенділікті арттыру мақсатында көшпелі үгіт-насихаттық тобы құрылып, облыстың барлық аудан мен қалаларының және шалғай елді мекендерінде жұртшылықпен кездесулер өткізілген.

- Іс-шараға мемлекеттік қызметшілер, еңбек ұжымдары, бизнес және кәсіпкерлер өкілдері, әйелдер комитеті, жастар, жергілікті тұрғындар қатысты. Жұртшылықпен кездесу барысында талқыға салынған мәселелер көп болды. Яғни, Ұлт жоспарын іске асыру, сыбайлас жемқорлықтың алдын алу, ұлтаралық келіспеушіліктің алдын алу, балаларды және жастарды қазақстандық патриотизмге тәрбиелеу негізге алынды, - деп атап өтті М.Ахметов.

Айта кету керек, департамент тарапынан мемлекеттік қызметшілердің оң имиджін қалыптастыру үшін осы күнге дейін 200-ден аса іс-шаралар өткізіп, 25 мыңнан астам адам қамтылды. Қоғаммен өзара іс-қимыл жұмысы бойынша 2015 жылдың 1 тоқсанында облыстың бар­­лық ауданында департамент бас­шылығымен жеке кездесулері бар «Ашық есік күндері» өткізіліп, пле­нарлық және практикалық бөлім­дерде агенттіктің жаңа миссия­сы таныстырылып, Елбасы Жол­даулары мен Жемқорлыққа қар­сы стратегиясы қызу талданды.­ Сондай-ақ, облыстық кәсіп­керлер палатасында, облыс әкімі аппараты мемлекет­тік қыз­метшілерді даярлау орта­лығын­да, білім саласы қыз­меткерлері арасында, облыстық сотта – үлкен ауқымды семинарлармен қатар, дөңгелек үстелдер, БАҚ қызметкерлерімен брифингтер және телеарналарда ток-шоулар мен жеке сұхбат ұйымдастырылуда.

- Сыбайлас жемқорлықтың алдын алу – профилактикалық қызметі бойынша департамент тарапынан Қоғамдық кеңес төрағасы және мүшелерімен үздіксіз байланыс орнатылып, халықпен кездесу жұмыстары үздіксіз жүргізіледі. Азаматтық қоғамдармен тығыз байланыс орнату жұмыстарын жүргізу мақсатында облыстың 40-қа жуық мекемесімен меморандум түзіл­ген. Қазіргі таңда 19 этномә­дени бірлестікпен, 5 үкіметтік емес ұйымдармен тығыз байланыс орнатылған. Ұлт жоспарын үздіксіз насихаттау арқылы шынайы өмір­ге ұластыру мемлекеттік қызмет­шілердің басты міндетіне айналуы тиіс, - деп атап өтті ҚР Мемлекеттік қызмет істері және сыбайлас жемқорлыққа қарсы іс-қимыл агенттігінің ОҚО бойынша департаментінің басшысы Мұрат Ахметов.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар