Қоғам 21.02.2019 сағат 04:07

Қарағандыда әскери борышын өтеп жатқан сарбаз өзін атып өлтірді

Қарағандыдағы №6505 әскери бөлімінде тағы да оқыс оқиға! Онда оққа ұшқан сарбаздың денесі табылды деп хабарлады КТК телеарнасы.

Қарағандыда әскери борышын өтеп жатқан сарбаз өзін атып өлтірді
Бөлісу
Бөлісу
Бөлісу

Бұл жолы да қаза тапқан жаңа шақыртылған жап-жас жауынгер. Әскерилер оны да «өзі атылып өлді» деп отыр. Дегенмен, қаралы хабардан қабырғасы қарс айырылған туыстары сарбаздың суицид жасағына сенбейді. Себебі, марқұм алдыңғы күні ғана үйіне хабарласып, әскери өмірдің ұнап жатқанын айтқан.

Таң атпастан суыт хабар естіген ана есінен қайта-қайта танып жатыр. Ал, жетпістегі әжесі болса сенбей, немересіне қоймай қоңырау соғуда. Айтуынша, жақында ғана әскерден хат алған екен. Онда сарбаз Ұлттық Ұланды жер-көкке сыйғызбай сипаттап, командирлерімен мақтанған. Одан қалды, алдыңғы күні ғана анасына қоңырау шалып, әскери өмірдің ұнап жатқанын айтқан. Дегенмен, солай деген сарбазды басшылары «суицид жасады» деп сендіріпті. 

Оққа ұшқан сарбаздың денесі таңғы 7-40-та табылыпты. Айналасы жиырма минуттың ішінде сараптама жасап тастағандай, әскери бөлімдегілер «бала өз-өзін атып өлтірді» деген шешім шығарып қойған дейді туыстары.

«Қатардағы Әліби Сапа өз-өзіне қол-жұмсап, қару арқылы мерт болғаны анықталды. Көңіл-күйі жақсы болған еді. Кенеттен болған жағдай. Ондай ойы жоқ болатын. Бәріміз таң қалып отырмы», - дейді 6505 әскери бөлім командирінің орынбасары м.а. Мақсұт Жүсіпбеков.

Жалпы, 6505 әскери бөлімдегілер жауынгерлерінің өліміне жылда таң қалып жүрсе керек. Өйткені, 2013-те де, 2014-те де мұнда бірнеше сарбаз өлген. Онда да өз-өзіне қол жұмсады делінген. Оның біреуі асылған күйі табылса, қалғаны оқ жарақатынан өлген.  Ал 18 жастағы Әліби Сапаның қазасына қатысты тергеу басталып та кетті. 

Оқи отырыңыз

загрузка...

Соңғы жаңалықтар

Қызықты материалдар