Қытайда күйеуі мен көңілдесін ұстап алған әйел оларды ағашқа байлап тастады

Қытайдың Гуйчжоу провинциясының тұрғыны күйеуінің көңілдесімен жатқан жерінен үстінен түскен. Артынша әйел олардың масқарасын шығарып, жалаңаш күйінде ағашқа байлап қойды. Олардың маңына жиналған адамдар мазақ қылды.

Бұл туралы The Sun басылымы жазды.

Желіде тараған видеодан ағашқа жалаңаш байланып тұрған ер адам мен әйелдің айналасында адамдардың жиналып, мазақ қылып, күліп жатқаны байқалады. Кадрлардан сол жерде полиция қызметкері болғаны да көрінеді. Алайда ол араша түспеді.

Жергілікті БАҚ мәліметінше, әйел күйеуінің көңілдесімен жатқан жерінен үстінен түсіп, оларды көшеге шығуға мәжбүрлеп, ағашқа байлап қойған.

Хушуи округінің қауіпсіздік бюросы оқиғаны растады. Құқық қорғаушылардың мәліметінше, әйел дау-дамайдан кейін отбасын сақтап қалу үшін «радикалды шараға» барған.

Дереккөз: Stan.kz