Қоғам 11.05.2019 сағат 11:05

Көкшетаулық полицей эпилепсиямен ауыратын жігіттің өмірін құтқарып қалды

Көкшетауда полицей эпилепсиясы ұстаған 27 жастағы қала тұрғынының өмірін аман алып қалды, деп хабарлайды ҚазАқпарат.

Көкшетаулық полицей эпилепсиямен ауыратын жігіттің өмірін құтқарып қалды
Бөлісу
Бөлісу
Бөлісу

«9 мамыр күні 21:10-да жол-патруль полициясы батальонының полицейі, кіші сержант Азамат Бектұров пен Ұлттық гвардия әскери қызметшілері патруль кезінде Көкшетау қаласындағы Тәшенов - Абай көшелерінің қиылысында адамдардың жиналғанын және жерде жатқан адамды байқайды. Қала тұрғындарының айтуынша, ер адамның эпилепсиясы ұстап қалған. Азамат жағдайды бірден бағалап, зардап шегушіге алғашқы медициналық көмек көрсетеді. Осы кезде жедел жәрдем шақырылды», - деді Ақмола облыстық полиция департаментінің баспасөз қызметінен. 

«Эпилепсия белгілері әр бес минут сайын жалғасқан және өрши түскен. Бір кезде ер адам тыныс алмай қалды», - деді Азамат.

Полицей абдырап қалмай, алғашқы көмек көрсетуді жалғастыра берген және осының арқасында науқас жігіт тірі қалған. 

«Жедел жәрдем келгенге дейін полиция жасағы зардап шегушінің қасында болып, кейін ер адамды мамандардың қолына тапсырған», - деді өңірдің полиция департаментінің баспасөз қызметінен.  

 

 

Оқи отырыңыз

загрузка...

Соңғы жаңалықтар

Қызықты материалдар