$ 449.3  489.69  4.89

Елордада үздік педагогтарды таңдайды

20 мамырда республикалық «Үздік педагог-2019» байқауының қалалық кезеңі басталды.
Martebe.kz
Martebe.kz

20 мамырда республикалық «Үздік педагог-2019» байқауының қалалық кезеңі басталды, деп хабарлайды қала әкімдігінің ресми сайты. 

Байқаудың ұйымдастырушылары педагогтардың 80-нен астам шығармашылық жұмыстарын қабылдады, нәтижесінде финалға 33 қатысушы өтті.

Елорданың мектепке дейінгі білім беру саласындағы үздік педагог 20 мамырда сағат 15:00-де таңдалды. Сондай-ақ, 21 мамырда сағат 10:00-де жалпы орта білім беру саласындағы үздік педагог анықталды. 22 мамырда сағат 10:00-де техникалық және кәсіптік білім беру саласындағы үздік педагог, ал сағат 15:00-де қосымша білім беру саласындағы үздік педагогтың есімі белгілі болады. Байқаудың жалпы жүлде қоры 10 млн теңгені құрайды. 

Білім басқармасының баспасөз қызметінде атап өткендей, байқауды өткізудің мақсаты – шығармашылыққа бейім, интеллектуалдық даму деңгейі жоғары, рухани-адамгершілік, ғылыми-әдістемелік және ақпараттық мәдениетке ие, заманауи ақпараттық-коммуникациялық технологияларды меңгерген, кәсіби қызметте жоғары нәтижелерге қол жеткізген талантты педагогтарды анықтау. 

Байқау Б.Момышұлы, 5 мекенжайы бойынша Оқушылар сарайында өтеді.


 

Сіздің реакцияңыз?
Ұнайды 0
Ұнамайды 0
Күлкілі 0
Ашулы 0

Серіктес жаңалықтары