10 адамға «Шымкент қаласының Құрметті азаматы» атағы берілді

Айта кетейік, «Құрметті азамат» атағы жылына бір рет салтанатты түрде 10 адамға беріледі. Бұл атаққа Шымкент қаласына айырықша еңбегі сіңген, оның ішінде экономиканы, әлеуметік саланы, ғылым мен білімді дамытуға үлес қосқан, мемлекеттік және қоғамдық қызметте жетістігі бар, шығармашылықта, бизнесте, спортта, қайырымдылық шараларда белсенділік танытып жүрген азаматтарға беріледі.

Оның ішінде Рәшкүл Оспанәлиева, Қайрат Молдасейітов, Еркін Сатқанбаев, Наталья Романова және Қайрат Нұртас бар. Шымкент қаласы еліміздегі республикалық мәртебеге ие болғалы депутаттар атаққа ие болатындардың санын аздап көбейтуді жоспарлып отыр.

 «Тұрақты комиссияның отырысында депутатардан ұсыныс түсті. Біз де Алматы мен Астана қалалары секілді 20 адамға жеткізсек деген ойдамыз» - дейді Шымкент қалалық мәслихатының хатшысы Ғани Ташқараев. Түркістан облысында жыл сайын Облыстың «Құрметті азаматы» атағына 15 азамат ие болады екен. Шымкенттік тұрғындар да қалалық мәслихат депутаттарының бұл ұсыныстарын қолдайтын сыңайлы. Шымкент шаһарында құрметті азамат атағына лайықтылар баршылық дейді.

Әрине, Шымкент қаласының «Құрметті азаматы» мәртебесіне ие болу үлкен қошамет. Ол статусқа ие болғандар әзірге тек қоғамдық көліктерде тегін қатынайды және арнайы аллеяда есімдері жазылған тақтайша ілінеді. Депутаттар құрметті азамат атағын алғандарға өзге де мәртебе беру мәселесін қолға алмақ.

«SN.kz» - ақпарат»