Қоғам 18.06.2019 сағат 18:48

Келесі жылы Шымкентте гүл екі есе көп отырғызылатын болады

Үшінші мегаполис мәртебесін иеленгелі Шымкент күн өткен шырайланып келеді. Қаланың көркіне көрік қосқан саналуан гүлдер мен жасыл желек жайқалып тұр. Бір сөзбен айтқанда Шымқала гүл қалаға айналып келеді. Биыл қалаға 1,5 миллион түп гүл егілген. Келер жылы Шымкент ТМД елдерінің мәдени астанасы болып бекітілуіне байланысты гүл екі есе көп отырғызылмақ.
Келесі жылы Шымкентте гүл екі есе көп отырғызылатын болады
Бөлісу
Бөлісу
Бөлісу

Қала аумағындағы жасыл желектерді күтіп баптауға биыл 2 млрд. теңге қаржы қаралған. Қазіргі таңда 25 мың шаршы метр жерге жаздық гүл көшеттері, 70 мыңға жуық ағаш көшеттері отырғызылыпты. Оның ішінде 1,5 аса қылқан жапырақты ағаштар. Гүлдерді 100-ден астам адам күтіп баптайды.

 «Көктемде қызғалдақтың тұқымын қазып алған соң канны, хризантема сынды бір жылдық гүлдер егіледі. Орталық көшелерге әуежайдан бастап, Темірлан тас жолы, Желтоқсан, Қонаев, Бәйдібек би көшелерінің шетіне әдемі көрінуі үшін бір жылдық гүлдер егілген. Газон қала бойынша 45 гектар жерге егілген» - дейді «ЛТД Тұрмыс» ЖШС-нің көгалдандыру бөлімінің басшысы Сұлтанхан Ахметов.

Бүгінде запырангүл, ақсәуле, талшын, бахытгүл, райхан қаланың көркіне көрік қосып тұр. Шымқала қызғалдақтың отаны болғанымен тұқымы Польшадан жеткізіледі. Ал бұрын шетелден әкелінетін ағаштар жерсінбегендіктен, жаңа көшеттер жергілікті Қазығұрт, Сарыағаштағы тұқымбақтардан алынады. Шымкентте бұған дейін өсіп көрмеген экзотикалық гүлдер де биыл жерсіндіріліпті. Оның ішінде сириялық раушан, үнді сирені бар. Жауаптылар келер жылы қаланың гүлге көміліп қаларына сендіріп отыр.

«SN.kz» - ақпарат»

Оқи отырыңыз

загрузка...

Соңғы жаңалықтар

Қызықты материалдар