Талғат Ермегияев соттағы соңғы сөзін айтты

"Кейбір адамдарға менің түрмеге жабылуым қажет болды... Адамдар менің істемегенімді істеді деп жатыр. Бірақ, олар мені "сындыра" алмайды. Мен өзім жасамаған қылмысты мойындай алмаймын және мойындамаймын да. Сот процесінің немен аяқталатынын біліп отырмын және кез-келген қорытындыға өзімді дайындадым. Бірақ, тергеумен келісімге бармаған осында отырған адамдар зардап шекпеуі тиіс", - деді Ермегияев өзінің соттағы соңғы сөзінде.

Естеріңізге салайық, кеше қос тараптың сөз таластыруы кезінде Ермегияев сенсациялық мәлімдеме жасаймын деп уәде берген болатын. Ол компания қаражатының ұрлануына қатысты жаңа деректермен бөлісетінін айтқан. Алайда, бүгінгі соңғы процестердің бірінде экс-төраға жаға ұстатарлық ешқандай мәлімдеме жасамады.