$ 441.66 € 475.14 ₽ 4.86
Алматы қалалық соты әлеуметтік желілерде таралған "мас судьяның" видеосына қатысты қызметтік тексеруді бастады, деп хабарлайды Stan.kz ақпарат агенттігі.
Видео Kozachkov offside Telegram-арнасында пайда болды. Кадрдан төрт адамды көруге болады. Олар әрең әрі әдепсіз сөйлеп отырады, мас болуы мүмкін.
"Осы адамдардың бірі - Алматы қаласының Алмалы аудандық сотының қызметкері екен", - делінген жазбада.
Аталған видеоға қатысты Алматы қалалық соты түсініктеме берді.
"Әлеуметтік желілерде белсенді пікірталас тудырған видео жарияланды. Пікірлерден видеода Алмалы аудандық сотының судьясы бейнеленген деген тұжырым пайда болады. Бұл факт бойынша Алматы қалалық соты ресми тексеріс жүргізіп жатқанын хабарлаймын", - деді қалалық соттың баспасөз хатшысы Абай Жарылқасын.
