Мөлдір Әбішеваның ұлымен бірге жоғалуына отбасылық ұрыс себеп болуы мүмкін

Ана мен бала 20 шілде күні жолға шығып, содан із-түссіз жоғалған. Ұялы телефондары сөндірулі, өздері де ешкіммен хабарласпаған.

"Мөлдір өз туыстарына күйеуімен бірге тұрғысы келмейтінін жиі айтатын, себеп - екеуінің арасындағы ұрыс-керіс. Қыздың туыстары күйеу жігіттен тыныштық беруді талап еткен. Алайда, ол ешкімді тыңдамайды, баланы алып қоямын деп жиі қорқытатын", - дейді Мөлдір Әбішеваның туысы.

Әбішева Мөлдір Бейбітжанқызы 1986 жылы туған. Бойы 160-165 см, сопақ жүзді, ұзын қара шашты және қара көзді. Үстінде қызыл түсті халат, аяғында сары түсті аяқкиім болған.

Нүктенов Әл-Ануар Асылбекұлы 2012 жылы туған. Анасымен бірге Қарағандыдағы Горноспасательная көшесінде тұрып келген.