Атырау облысында жылқыға мінген бала суға құлап, батып кетті

Құтқарушыларға 12 жастағы жасөспірімнің абайсызда суға құлап кеткені туралы қоңырау түскен.

Фото: Атырау облыстық төтенше жағдайлар департаментінің баспасөз қызметі

Атырау облысы Құрманғазы ауданы Сафон ауылында жасанды су арнасынан бір үйір жылқы айдап бара жатқан жасөспірім абайсызда аттан құлап кетіп, суға батып кетті, деп хабарлайды Azattyq Ruhy.

Қайғылы оқиға кеше, 30 мамыр күні сағат 15:00 шамасында болған. Құтқарушыларға 12 жастағы жасөспірімнің абайсызда суға құлап кеткені туралы қоңырау түскен.

Бала денесін ол құлағаннан кейін жарты сағат ішінде жергілікті тұрғындар тауып алып, туыстарына тапсырған.