Атырау облысында жол апатынан әйел адам екі қызымен бірге қаза тапты

Атырау облысында жантүршігерлік жол-көлік апатынан әйел адам екі кішкентай қызымен бірге қаза тапты, деп хабарлайды Azattyq Ruhy.

Облыстық полиция департаменті хабарлағандай, қайғылы оқиға 18 шілдеде сағат 15:30 шамасында болған.

Атырау – Индер тасжолының 123 шақырымында Toyota Camry және КаМАЗ жүк көлігі соқтығысты. Соның салдарынан Toyota көлігінде болған 3 жолаушы оқиға орнында қайтыс болды, жүргізушісі ауруханаға жеткізілді. Қайтыс болған 3 жолаушы анасы мен 1 және 15 жастағы қыздары – БҚО тұрғындары, - делінген хабарламада.

Қазіргі кезде сотқа дейін тергеу амалдары жүргізіліп жатыр.

Полиция кез келген жағдайда жол қауіпсіздігін сақтау қажеттігін ескертеді. Ауа райы жауын-шашын болған жағдайда жылдамдықты шамадан тыс асырмай, көліктер арасындағы арақашықтықты сақтаңыздар, - деп ескертеді ПД өкілдері.