$ 443.35 € 475.54 ₽ 4.82
Сыртқы істер министрлігі қазақстандық журналист пен оның қызының Түркияда қаза болуына қатысты түсініктеме берді, деп хабарлайды Skifnews.kz ақпарат порталы.
3 қыркүйекте Аланияда жол-көлік оқиғасы болып, нәтижесінде қазақстандық отбасы зардап шекті. Жол апатынан оқиға орнында 1989 жылы туған әйел мен оның 2 жасар қызы қайтыс болды. Отағасы (1986 жылы туған) ауыр жағдайда реанимацияда жатыр. 2014 жылы туған ұлы да ауруханада, оның денсаулығына аса қауіп төнбеген, - делінген СІМ хабарламасында.
Ақпаратта айтылғандай, қазақстандық дипломаттар апатқа ұшыраған отбасының туыстарымен байланыста отыр.
Аталған отбасыға барлық қажетті консулдық-құқықтық көмек көрсетіледі. Бұл отбасы Түркияда туристер ретінде болды және бүгін елге оралуы керек еді, - дейді ведомстводан.
Бұған дейін Түркияда жол апатынан атыраулық журналист көз жұмғанын хабарлаған болатынбыз.
