Алматы облысында тұрғын үйден алапат өрт шықты (ВИДЕО )

Әлеуметтік желіде Алматы облысы, Талғар ауданында болған алапат өрттің бейнежазбасы пайда болды, деп хабарлайды Skifnews.kz ақпарат порталы.

Оқиға куәгерлері өрттің басталған сәтін бейнежазбаға түсіріп, әлеуметтік желіде бөлісті. Куәгерлердің айтуынша, өрттен алдын жойқын жарылыс болып, соңы өртке ұласқан. Бейнежазба авторының жазбасында, тұрғын үйдегі газ балоны жарылғаны айтылған, деп жазды Stan.kz.

Өртке қатысты Алматы облыстық төтенше жағдайлар департаменті мәлімдеме жасады.

Департамент газ балоны жарылғаны туралы ақпаратты жоққа шығарды. 

21 қазан күні сағат 19:06-да Алматы облысы төтенше жағдайлар департаментінің өрт сөндірушілері Талғар қаласына кезекті шақыртуға шықты. Оқиға орнына жеткен кезде Амангелді көшесіндегі жеке тұрғын үйдің жалпы алаңы 150 шаршы метрді құрайтын шаруашылық құрылыстары, монша, сарай және сарай өртеніп, жоғары температураның әсерінен шатырдың қаптамалары ерігені белгілі болды. 

Өртті сөндіруге Алматы облысы ТЖД 15 қызметкері мен 5 техникасы жұмылдырылған. Газ баллонының жарылу оқиғасы тіркелмеген. Құрбандар мен зардап шеккендер жоқ, – делінген Алматы облысы төтенше жағдайлар департаментінің хабарламасында. 

Өрттің шығу себебі анықталуда. Өрт 20:07-де оқшауланып, 20:38-де толық сөндірілді.