Алматы облысында өрт сөндіру кезінде бөлімше командирі қайтыс болды

Алматы облысында өрт сөндіру кезінде бөлімше командирі қайтыс болды, деп хабарлайды Skifnews.kz ақпарат порталы.

Қарасай ауданы Көкөзек ауылындағы өртті сөндіру барысында 19-МӨСБ бөлімше командирі көз жұмды. Бұл туралы Төтенше жағдайлар министрлігінің баспасөз қызметі мәлім етті.

25 желтоқсанда сағат 16.56-да Алматы қаласы ТЖД Өрт сөндіру және авариялық-құтқару жұмыстары қызметі № 19 мамандандырылған өрт сөндіру бөлімінің өрт сөндіру есептоптары Қарасай ауданы Көкөзек ауылындағы өртті сөндіруге шықты. Қызметтік борышын атқару кезінде екі қабатты жеке тұрғын үйдің шатырын шарпыған өртті сөндіру барысында 19-МӨСБ бөлімше командирі, азаматтық қорғау аға сержанты Уәли Әділет Аянұлы қайтыс болды, - делінген  министрлік хабарламасында.

Оқиғаның мән-жайы анықталып жатыр.