$ 464.72  496.32  5.4

Ақтауда мас жүргізуші балалар мінген көлікке соқтығысты (ВИДЕО)

Оқиға кезінде Toyota Land Cruiser Prado жүргізушісі мас болғанын растады.

Фото: Pixabay
Фото: Pixabay

Желіде 18 мамырдан 19 мамырға қараған түні болған апаттың салдары бейнеленген кадрлар пайда болды, деп хабарлайды Skifnews.kz ақпарат порталы Massaget.kz-ке сілтеме жасап.

Куәгерлердің айтуынша, Toyota Land Cruiser Prado жүргізушісі 20-шы шағынауданнан келе жатып, қарсы жолақпен келе жатқан көлікпен соқтығысқан. Кейін жол апатына себеп болған жүргізуші көлігін жүргізіп кете берген. Кейін ол 12 шағынаудандағы "Жас қанат" спорт кешенінің маңында Kia көлігіне соқтығысқан. Бұл көлікте балалары бар отбасы отырған. Жол талғамайтын көлік иесінің мас болғаны айтылады.

Облыстық полиция департаменті оқиға кезінде Toyota Land Cruiser Prado жүргізушісі мас болғанын растады. Ол әкімшілік жауапкершілікке тартылды. Көлік айыппұл тұрағына алынды.

Маңғыстау облыстық жедел жәрдем және жедел медициналық жәрдем станциясы дәрігерлерге қоңырау 23:05-те түскенін хабарлады. Бір адам зардап шекті, бірақ ол ауруханаға жатқызудан бас тартты.

Сіздің реакцияңыз?
Ұнайды 0
Ұнамайды 1
Күлкілі 0
Ашулы 2

Серіктес жаңалықтары