Toyota жүргізушісі екі саудагерді қағып кетті (ВИДЕО)

Салдарынан 35 және 40 жастағы екі әйел зардап шеккен.

фото: скриншот

Ақмола облысында 25 жастағы Toyota жүргізушісі екі саудагерді қағып кетті, - деп хабарлайды Skifnews.kz ақпарат порталы, "ҚазАвтоЖол" ҰК" АҚ баспасөз қызметінің басшысы Маржан Ордабайға сілтеме жасап.

Жол-көлік апаты Нұр-Сұлтан-Щучинск автожолының 208 шақырымында болған. Болжам бойынша, Toyota Camry жүргізушісі қатарлас актокөлікпен соқтығысудың алдын алуға тырысып, рөлді бірден демалыс аймағына бұруға мәжбүр болған екен. Салдарынан 35 және 40 жастағы екі әйел зардап шеккен. Олар түрлі дәрежедегі жарақаттар алды. Қазір зардап шегушілер Бұланды ауданындағы ауруханаға жеткізілген.

Көлікте жүргізушіден бөлек, үш жолаушы болған. Бір жігіт пен 20, 25 жастағы екі қыз зардап шекпеген.

Посмотреть эту публикацию в Instagram

ДЕМАЛЫС АЛАҢЫНДАҒЫ НАҒЫЗ ЭКСТРИМ. Жол апаты Нұр-Сұлтан-Щучинск тасжолының 208-шақырымында орын алды. Алғашқы ақпарат бойынша, Toyota Camry автокөлігінің 25-жастағы жүргізушісі қатарлас автокөлікпен соқтығысудың алдын алу үшін рөлді демалыс алаңына қарай күрт бұруға мәжбүр болған. Жол көлік оқиғасының нәтижесінде, демалыс алаңында тәтті тосаптарды сатып тұрған 35 және 40 жастағы екі әйел адам жарақат алды. Жапондық автокөлікте жүргізушімен қатар тағы да үш жолаушы - бір ер азамат пен 20 мен 25 жас аралығындағы екі бойжеткен болған. Жол көлік оқиғасының орнында жол пайдалану учаскесінің, Бурабай аудандық полиция қызметінің жедел-тергеу тобы мен Тұлпар-9 жол-патруль қызметкерлері жұмыс жасауда. Қажетті жол белгілері орнатылған. РЕСПУБЛИКАЛЫҚ МАҢЫЗЫ БАР АВТОЖОЛДАРДА ТӘУЛІК БОЙЫ 599 БІРЛІК ТЕХНИКА ЖҰМЫЛДЫРЫЛҒАН. "ҚазАвтоЖол" ҰК" АҚ жүргізушілерге жол ережесін сақтау, рұқсат етілген жылдамдықты асырмау, қауіпсіз қашықтықты сақтау қажеттілігі туралы ескертеді. Сонымен қатар, сапарға тек қысқы дөңгелектермен шығуға кеңес береді. Барлық сұрақтарыңызға бойынша 1403 нөмірі бойынша хабарласуларыңызға болады

Публикация от "ҚазАвтоЖол" ҰК" АҚ (@kazautozhol) 4 Янв 2020 в 7:35 PST