Оқиғалар 23.01.2020 сағат 16:20

Көлік жүргізушісі тоқтауын талап еткен жол полицейін капотында тасып жүрген (ВИДЕО)

Оқиға орнына полиция қызметкерлері келген.
Бөлісу
Бөлісу
Бөлісу

Шымкентте мас жүргізуші көлігімен полицейді қағып кетті. Бұл туралы Polisia.kz порталы хабарлайды.

"Mitsubishi Galant" автокөлігін тізгіндеген жүргізуші Рысқұлов көшесінде "Audi-80" көлігімен соқтығысқан. Анықталғандай, Mitsubishi Galant жүргізушісі мас болған.

Оқиға орнына полиция қызметкерлері келген.

Жол сақшысы "Mitsubishi Galant" жүргізушісінен құжаттарын көрсетуді сұрайды. Алайда ер адам бас тартып, оқиға орнынан ізін суытпақ болған.  Ол көліктің жүруін бөгеген полицейді қағып, капотында үш шақырымға тасыған.

Десе де, полиция заң бұзған 31 жастағы жүргізушіні қолға түсірді.

Оған қатысты Қылмыстық кодекстің 380-бабы 2-бөлімі (билік өкіліне қатысты күш қолдану) бойынша сотқа дейінгі тергеу басталды. Сондай-ақ, әкімшілік хаттама толтырылды.

Қазір ол Шымкент қаласы полиция департаментінің уақытша ұстау изоляторында қамауда отыр. Жүргізушінің көлігі айып тұрағына қойылды.

Полицей зардап шеккен жоқ.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар