Мұз құрсанған сақшы: қарағандылық құтқарушылар тас жолда тыным таппай жүр

28 қаңтар күні Қарағанды облысының жолдарында 26 автокөлік соқтығысып қалған. Бірақ, оның салдарынан зардап шеккендер мен қаза тапқандар жоқ, деп хабарлайды Skifnews.kz ақпарат порталы, Polisia.kz-ке сілтеме жасап.

Осылайша, ақ қар, көк мұзда далада қалған жұртты полиция қызметкерлері іздеп тауып, үсіп кетуден аман алып қалып жатыр. Мысалы, Теміртау-Қарағанды тас жолында олар көмекке мұқтаж 40 шақты адамды құтқарған.

Сол жерде барлық адамды эвакуациялаған сақшылардың бірі – Дамир Құдайберген. Ол ұйытқи соққан боран мен сақылдаған сары аязға қарамастан, әріптестерінің көтеріңкі көңіл күйді жоғалтпайтынын айтып мәз. Ал өзінің мұз құрсанған сиқы – мынау (суретте). Ел үшін еңбек етер ер-азамат дегеніміз осындай болса керек-ті.