Оқиғалар 06.02.2020 сағат 11:20

Павлодарда мектеп мұғалімінің абыройы айрандай төгілді

Өзінің картасы жоқ екенін айтып, жантүршігерлік оқиғаларды ойлап тапқан.
Павлодарда мектеп мұғалімінің абыройы айрандай төгілді
Фото: pixabay.com
Бөлісу
Бөлісу
Бөлісу

 Павлодар облысында 2020 жылдың қаңтарынан бастап полиция бөлімінде ақпараттық технологияларды қолдану арқылы жасалған алаяқтықты анықтау үшін мамандандырылған жедел-тергеу тобы құрылды. Топ құрамына жедел уәкілдер мен тәжірибелі тергеушілер кірді. Бұл туралы облыстық полиция департаментінің баспасөз қызметі мәлімдеді.

"Қыздардың атынан кредит рәсімдеген 23 жастағы павлодарлық ұсталды. Ол Instagram әлеуметтік желісі арқылы қыздармен танысып, Ресейде бизнеспен айналысып жүргенін және шұғыл түрде ақша керек екенін айтқан. Өзінің картасы жоқ екенін айтып, жантүршігерлік оқиғаларды ойлап тапқан. Қыздар WhatsApp мессенджері арқылы фотосы мен жеке куәлігін суретке түсіріп жіберген", - дейді департаментте.

Жас жігіт өзіне қажет құжаттарды алғаннан кейін қыздардың атынан 150-250 мың теңге көлемінде онлайн кредит рәсімдеген. Содан кейін картаға келіп түскен ақшаны басқа шотқа жіберуін өтінген. Алаяқ жігіттің құрығына бес қыз түсіп қалған.

"Дәл осындай жоспармен облыстық мектептің мұғалімі де әрекет еткен. Мектеп мұғалімі әріптестерінің жеке мәліметтеріне қол жеткізіп, онлайн режимде 1 миллион 200 мың теңге кредит рәсімдеген. Қазір 8 әріптесі полицияға арызбен жүгініп отыр", - деді полиция департаменті.

Барлық алаяқтық факт бойынша қажетті тергеу шаралары жүргізіліп жатыр.

Дереккөз: Sputniknews.kz


 

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар