Педофилге химиялық кастрация жазасы тағайындалды

Оған педагогикалық лауазымдарды атқаруға тыйым салынды.

Фото: КТК.kz

Алматыда 2004 және 2007 жылғы балаларды зорлаған педофилге химиялық кастрация жазасы тағайындалды, - деп хабарлайды Tengrinews.kz, Алматы қалалық сотының баспасөз қызметіне сілтеме жасап.

Істі Алматы қаласының қылмыстық істер жөніндегі мамандандырылған ауданаралық соты қарады.

"Қылмыскер сот үкімімен кінәлі деп танылып, жоғары қауіпсіздіктегі қылмыстық атқару жүйесіне 20 жылға бас бостандығынан айырылып, кәмелет жасқа толмаған балалармен жұмыс істеуге байланысты педагогикалық лауазымдарды атқаруға өмір бойына тыйым салынды", - делінген хабарламада.

Педофилге қатысты жаза заңды күшіне енді.

Еске салайық, Қазақстанда педофилдерге қатысты химиялық кастрация алғаш 2019 жылы қолданылған.