Оқиғалар 06.03.2020 сағат 09:20

Үш жасар бала әпкесін тірідей өртеп жібере жаздады

Әр минуттың маңыздылығын ескерген өрт сөндірушілер ауыл әкімдігіне қоңырау шалып, аталған мекенжайға баруды сұрады.
Үш жасар бала әпкесін тірідей өртеп жібере жаздады
Фото: pixabay.com
Бөлісу
Бөлісу
Бөлісу

Шығыс Қазақстан облысының Абай ауданында сіріңкемен ойнап отырған балалар тірідей жанып кете жаздады, деп хабарлайды Stan.kz. Бұл туралы ШҚО төтенше жағдайлар департаментінің баспасөз қызметі мәлімдеді. 

Оқиға 4 наурыз күні Құндызды ауылында орын алған. Қараусыз қалдырылған балалар ойнап отырып үйлерімен бірге өздерін өрттеп жібере жаздаған. 3 жасар бала шырпымен ойнап отырып, оның жалыны 9 жастағы әпкесінің киіміне тиіп жана бастаған. Абырой болғанда жеткіншек қыз киіміндегі отты өзі сөндіріп, артынша  Абай ауданының өрт сөндіру қызметіне қоңырау соғып, көмек сұрапты.

«Ауылға ең жақын өрт сөндіру бекеті 70 шақырымдай жерде. Әр минуттың маңыздылығын ескерген өрт сөндірушілер ауыл әкімдігіне қоңырау шалып, аталған мекенжайға баруды сұрады. Олар лезде полиция қызметкерлерімен бірге сол үйге жеткен. 9 жасар Тоғжан қызыл жалын шарпыған күртесін шелектегі сумен сөндіріпті. Арқасын күйік шалған қыз Семей қаласындағы ауруханаға жеткізілді», - делінген ресми хабарламада. 

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар