Оқиғалар 08.03.2020 сағат 16:45

Батыс Қазақстан облысында пойыздың бес вагоны аударылып қалды

Апатқа байланысты, жолаушылар мен жүк пойыздары басқа жолмен жүреді.
Бөлісу
Бөлісу
Бөлісу

Кеше Батыс Қазақстан облысының Сайқын кентінде №10518 Саратов – Астрахан бағытындағы жүк пойызының бес вагоны рельстен шығып кетті, деп хабарлайды Skifnews.kz ақпарат порталы, «Мой город» басылымына сілтеме жасап.

Төтенше жағдай түнгі 23:00 шамасында болған. Белгілі болғандай, аударылған пойыз вагондарына астық тиелген.

«Болжам бойынша апатқа, дөңгелектегі жарықшақ себеп болуы мүмкін. Бес вагон (№14, 15, 16, 17, 18) рельстен шығып кетті. Қаза тапқандар мен зардап шеккендер жоқ. Апатқа байланысты, жолаушылар мен жүк пойыздары басқа жолмен жүреді», – деп мәлімдеді БҚО Төтенше жағдайлар департаменті.

Төтенше жағдайды жоюға «Ресей темір жолы» ААҚ-ның 16 жұмысшысы мен БҚО ТЖД-ның төрт қызметкері жұмылдырылған.

Тағы оқи отырыңыз: Жолаушылар пойызы Аршалы маңында жайылған 11 жылқыны жайратты (ВИДЕО)

«Қазір арнайы қызметтер жөндеу жұмыстарымен айналысып жатыр», – деп атап өтті Бөкей ордасы ауданының әкімі Нұрлан Рақымжанов. Ал қазір төтенше жағдайға байланысты тексеріс басталғандықтан, оқиғаның нақты себебін құзырлы органдар анықтайды.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар