Алматы облысында туған күнді мылтық атып атап өтпек болған 19 адам ұсталды, деп хабарлайды Skifnews.kz ақпарат порталы, ІІМ баспасөз қызметіне сілтеме жасап.
Криминалдық полиция департаментінің мәліметінше, Алматы облысының криминалдық полиция қызметкерлері «Ақсу ауданында қаруы бар бір топ адам жиналады» деген жедел ақпарат алған. Сол жерге жедел-тергеу тобы мен полицияның арнайы бөліністерінің қызметкерлері аттанады.
«Қапал ауылының шетінде орналасқан Кіші Шымбұлақ елді мекенінде 5 автомашинамен келген 19 адам ұсталды. Олар мәнерлеп сырғанаушының бірінің туған күнін мерекелеу үшін жиналған.
Облыс орталығының тұрғындарына тиесілі «Тойота Камри 50» және «Лексус 330» маркалы автокөліктерді тексеру кезінде 4 травматикалық тапанша, 1 атыс қаруы және 43 патрон тәркіленді» делінген хабарламада.
Қару мен оқ-дәрілерді заңсыз сақтау фактілері бойынша сотқа дейінгі тергеу басталды. Сот-баллистикалық сараптама тағайындалды.
Тағы оқи отырыңыз: Оңтүстік Кореяда Қазақстанның 19 азаматы төбелесіп, пышақтасқан (ВИДЕО)
«Төтенше жағдай кезінде карантин режимін бұзғаны үшін 19 адамға қатысты әкімшілік хаттама жасалды. Материалдар ұсталғандардың тұрғылықты жері бойынша сот қарауында жіберілді» делінген хабарламада.
Ұсталған 4 адамнан атыс қаруы алынып, олар уақытша ұстау изоляторына қамалды.