Оқиғалар 24.04.2020 сағат 10:00

Түркістандық полицейлер жұмыс орнынан бірнеше аккумулятор ұрлаған жүргізушіні ұстады

Ұрланған аккумуляторларды өз үйінің сарайына жасырып қойған.
Түркістандық полицейлер жұмыс орнынан бірнеше аккумулятор ұрлаған жүргізушіні ұстады
Бөлісу
Бөлісу
Бөлісу

Түркістан облысының полицейлері жұмыс орнынан бірнеше аккумуляторларды ұрлап кеткен жүргізушіні ұстады, деп хабарлайды Polisia.kz

21 сәуірде Түлкібас аудандық полиция бөлімінің кезекшілік “102” нөміріне жергілікті тұрғыннан хабарлама келіп түсті. Аталған жайт Түлкібас АПБ-не ҚР Қылмыстық кодексінің 188-бабы (ұрлық) бойынша тіркеліп, сотқа дейінгі  тергеп-тексеру амалдары басталып кетеді. 

Оқиға орнына жедел жеткен тергеу тобының қызметкерлері үй-үйді аралап, куәгерлерден жауаптар алды. Сондай-ақ металды қабылдау пункттерін тексеріп, басқа да қажетті іс-шараларды жүргізді. 

Жедел-іздестіру іс-шараларының нәтижесінде полиция қызметкерлері көлік  ұрысының ізіне шығып, оны тез арада қолға түсірді. Ол шаруа қожалығында жүргізуші болып жұмыс істейтін жергілікті тұрғын болып шықты. Тергеу барысында жас жігіт түнгі уақыттағы қараңғылық пен ашық тұрған қақпаны пайдаланып, КАМАЗ бен трактордан төрт бірдей аккумуляторды шешіп алып кеткен. Содан кейін ұрланған аккумуляторларды өз үйінің сарайына жасырып қойған.

 Жәбірленушілерге келтірілген шығынның жалпы сомасы 150 мың теңгені құрады. Қазіргі уақытта аталған жайтқа қатысты ҚР Қылмыстық кодексінің 188-бабы (ұрлық) бойынша сотқа дейінгі тергеу амалдары  жүргізіліп жатыр. Күдіктіні қолхатпен босатты. Айғақты заттар мен дәлелдемелер тәркіленді. Ұрланған аккумуляторлар заңды иесіне қайтарылды. 

 Облыс полицейлері азаматтарға қырағы болуды және өз мүлкін қараусыз қалдырмауды ескертеді. Тұрғын үйлер мен аулаларды бекітіп, сенімді құлыптармен және жақсы жарықпен жарықтандыру қажеттілігін айтады. Сондай-ақ түнгі уақытта есіктер мен терезелерді мықтап жауып, тіпті аз уақытқа да үй-жайды ашық тастап кетпеуге кеңес береді. Егер сіз, осындай жайттардың құрбаны немесе куәгері болсаңыз онда міндетті түрде  полицияның “102” телефонына хабарласыңыз.    
 

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар