Оқиғалар 21.05.2020 сағат 21:30

Алматы облысында жас келіншекті күйеуінің бұрынғы әйелі өлтіріп тастады

Жәбірлеуші тарап Арайлымды өлтіруді бір ғана адам емес, бірнеше адам топ болып ұйымдастырғанына сенімді. Оның артында екі баласы қалды.
Алматы облысында жас келіншекті күйеуінің бұрынғы әйелі өлтіріп тастады
Бөлісу
Бөлісу
Бөлісу

Алматы облысында жәрдемақыға кеткен келіншек асылып қалған күйінде табылды. Кейіннен 44 жастағы әйел келіп, оның өлімін мойнына алған. Ол марқұмның азаматтық некедегі күйеуінің бұрынғы әйелі еді, деп хабарлайды stan.kz, «Время» басылымына сілтеме жасап.

Арайлымның анасы Райгүл Омарованың айтуынша, қызы жәрдемақы алу үшін тездетіп әкімдікке баруы керек екенін айтып асығыс кеткен. Содан кейін қызын тірі күйінде көрмепті. Асылып қалған күйінде табылды.

Арайлым Байтарақова сол күні күйеуіне «құтқаршы» деген хабарлама жазады. Күйеуі Арайлымның үйіне келіп, мән-жайды айтады. Ата-анасымен бірге полицияға барғанда, ондағылар тек үш күннен кейін ғана іздеу жұмысы басталатынын айтады. Абдырап қалған әке мен ана, жолдасы ауыл еріктілерімен бірге іздеуге шығады. Бейнебақылау камерасы арқылы Арайлым мінген көлік анықталады. Алайда, оның иесі бұл іске ешқандай қатысы жоғын айтып ақталады.

Ертесі күні 44 жастағы Гүлбану Саурықова полицияға келіп, Арайлымды байқаусызда өлітіріп алғанын мойындайды. Ол – Арайлымның азаматтық некедегі күйеуінің бұрынғы әйелі. Арайлымды тек қорқытамын деп ойладым деп ақталады. «Арайлым қолымдағы пышаққа абайсызда түсті», - деп отыр. Кейін мәйітті асып, өзіне қол жұмсағандай етіп көрсетеді. Хат жазып, қалтасына салады.

«Сен маған берген уәдеңді орындамадың. Ақша үшін өз әйеліңді өлтірдің. Менің өліміме себепші...» деп күйеуінің аты-жөнін көрсеткен. Оның қайда жұмыс істейтінін толық жазған.

Арайлымның ата-анасы оны не себепті толық жазған, біз күйеу баламыз туралы онсыз да жақсы білеміз деп күмәнданады.

«Адам өлтіру» бабы бойынша іс қозғалып, облыстық Полиция департаментіне жіберілді. Жәбірлеуші тарап Арайлымды өлтіруді бір ғана адам емес, бірнеше адам топ болып ұйымдастырғанына сенімді. Оның артында екі баласы қалды.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар