Оқиғалар 11.06.2020 сағат 04:00

Қаланың қақ ортасында кәсіпкерге оқ атқандарға қатысты сот үкімі шықты

Ал тасадан қару кезенгендерді тәртіп сақшылары екі айдан кейін қолға түсірген.
Қаланың қақ ортасында кәсіпкерге оқ атқандарға қатысты сот үкімі шықты
Бөлісу
Бөлісу
Бөлісу

Петропавлда қаланың қақ ортасында кәсіпкерге оқ атқан қаскөйлерге қатысты сот үкімі шықты, деп хабарлайды Skifnews.kz ақпарат порталы, КТК арнасына сілтеме жасап.

 Бизнесменге қастандық жасаған үш адамға 8 және 10 жыл аралығында жаза тағайындалды.

"Айыпталушы Мустафин, Аушахманов және Арми кінәсін мойындаған жоқ. Дегенмен, сот жәбірленуші мен куәгерлердің жауабына және өзге де айғақтарға сүйеніп, қылмыстың болғанын дәлелдеді. Күдіктілер алдын ала келісіп, жәбірленушінің денсаулығына қасақана зиян келтірген", - деді судья Сергей Викторенко. 

Сот барысында жанжалдың ойын-сауық орталығында басталғаны айтылды. Тергеу мәліметіне сүйенсек, орталыққа мас күйінде кірген екі топ керісіп қалған. Кикілжіңнен кейін ашуға мінген азаматтар кәсіпкерді үйінің алдында күтіп алып, балалар ойнайтын алаңқайда атып кеткен еді. Зардап шегуші аман қалды. Ал тасадан қару кезенгендерді тәртіп сақшылары екі айдан кейін қолға түсірген. Қалалықтардың зәресін ұшырған қанды қылмыс 10 ай бұрын болған еді. 

Осы оқиғаға қатысы бар тағы екі адам «бұзақылық» бабы бойынша 2 жылға бас бостандығынан айырылды.  


 

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар