Қызылорда облысындағы «Қыдыр атаның сүйікті ұлы» қайтыс болды

Елге «Қыдыр атаның сүйікті ұлы» деп танылған Жанарыс Жақсылықұлы бүгін 57 жасында өмірден озды. Қаралы хабарды оның ауылдасы жеткізген, деп хабарлайды Skifnews.kz ақпарат порталы, nur.kz-ке сілтеме жасап.

«Жаназасы ертең Нұр-Сұлтан уақытымен сағат 11-ге белгіленді. Қазір өзім сол жаққа бара жатырмын. Ол кісі менің әкеммен құрдас», - дейді Сексеуіл кентінің тұрғыны Нұрлан Смағұлов.

Қайғылы жағдайды көршілері де естіген. «Қайтыс болды дегенді естідік. Кеше кешкілік осы маңда адам көп жүрді. Өзім осы жаққа қонаққа келген адаммын», - дейді қала тұрғыны Тұрсынай Аяпова.

Емшімен қоштасу рәсімі 14 маусым күні туған жері Қызылорда облысының Сексеуіл кентінде өтеді.

Еске сала кетсек, Жанарыс Жақсылықұлы – белгілі күйші, музыкант Жасарал Еңсеповтің інісі. Ал Жасарал Жақсылықұлы 2012 жылдың 16 маусымында, 59 жасқа қарағаған шағында Алматы қаласында қайтыс болған.