Грузия азаматы Қазақстанда бизнеспен айналысып жүргенде өлтірілген

Қазақстанда 42 жастағы Грузия азаматы Леван Гремелашвили өлтірілді, деп хабарлайды tengrinews.kz.

Телави муниципалитеті (Кахети) Шалаури ауылының тумасы бірнеше ай бұрын Грузиядан кетіп, Қазақстанда жеке бизнеспен айналысқан.

Өлтірілген адамның отбасы мүшелері не болғанын айтпайды. Өлтіру себебі белгісіз, қылмыстың нақты қай жерде болғаны да көрсетілмейді.

Көршілерінің айтуынша, ер адам суық қарумен жараланған, содан кейін ол ауруханада қайтыс болған.

Расталмаған мәліметтерге сәйкес, кәсіпкерді өзінің танысы өлтіруі мүмкін, ол – Грузия азаматы. Өлімінің алдында Гремелашвили өлтірушінің есімін берген деп болжанған.

Грузия Сыртқы істер министрлігі марқұмның денесін Отанына тасымалдау жөнінде келіссөздер жүргізуде.