Оқиғалар 30.09.2020 сағат 17:40

Өскеменде есірткі сатқан ерлі-зайыптылар ұсталды

Қара нарықта төрт миллион теңгеден бастап сатылады.
Өскеменде есірткі сатқан ерлі-зайыптылар ұсталды
Бөлісу
Бөлісу
Бөлісу

Өскемен полициясы астанадан келіп есірткі сатқан ерлі-зайыптыларды анықтады, деп хабарлайды altaynews.kz.

Полиция департаментінің хабарлауынша, «жеңіл жолмен ақшаға кенелуді ойлаған» отбасы астанадан Өскеменге қыркүйекте келген. Психотропты заттарды саудалаумен айналысқан. Олар көлемді психотропты заттардың дозасын шағын дозаға бөліп, жасырын түрде сатып келген.

"Тінту барысында күдіктілерден 150 грамм психотропты заттар табылды. Бұл 500 реттік дозаға тең. Қара нарықта төрт миллион теңгеден бастап сатылады. Сонымен қатар дозаларды қаптауға және өлшеуге арналған құрылғы да табылды", – деді Полиция департаментінің бастығы Сағат Мәдиев.

Күдіктілер қазіргі уақытта уақытша қамау изоляторында. Олардың үстінен Қылмыстық кодекстің 297-бабы (Есірткі, психотроптық заттарды, сол тектестерді өткізу мақсатында заңсыз дайындау, қайта өңдеу, иемдену, сақтау, тасымалдау, жөнелту не өткізу) бойынша сотқа дейінгі тергеу амалдары жүргізіліп жатыр. Айып расталған жағдайда 15 жылға дейін бас бостандығынан айырылуы мүмкін.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар