Оқиғалар 11.11.2020 сағат 11:40

Атырауда «мұздатқыштағы шақалақ» ісіне қатысты тың дерек анықталды

Атырау перинаталдық орталықтың 35 жастағы экс-басшысы тірі туған шақалақты мұздатқышқа салды деген күдікке ілінді.
Атырауда «мұздатқыштағы шақалақ» ісіне қатысты тың дерек анықталды
фото: pixabay.com
Бөлісу
Бөлісу
Бөлісу

Шақалақтың мәйітін ауыстырып жіберген болуы мүмкін. Атырауда өтіп жатқан аты шулы дәрігерлер ісіне қатысты бүгінгі сот отырысында, айыпталушының адвокаты осындай мәлімдеме жасады. Оның бұлай деуіне бірнеше дәлелдеме негіз болған, деп хабарлайды Астана арнасы.  

Мәселен Батыс Қазақстан облысындағы сот-медициналық сараптама институты жасаған қорытындыда: «нәрестенің денесін 11-інші қазанда алып кетті» деп көрсеткен. Алайда қылмыстық іс материалында шақалақты сараптамадан соң 30-ыншы қыркүйекте Атырауға жеткізіліп, сол күні ата-анасына табысталғаны жазылған. 

Адвокат бұдан өзге  шақалақ мәйіті көрсетілген цифрлар, қылмыстық іс материалындағы нөмірмен сәйкес келмегенін анықтаған. 

Екінші мәрте Қарағандыда жасалған сараптамалық зерттеуде күмән туғызыпты. Арнамызға эксклюзивті сұхбат берген басты айыпталушы Қуаныш Нысанбаевта осыны айтып отыр. 

"Сонда қалай? Кімнің баласын зерттедік? Маған тағылып отырған 14 эпизод бар. 14 эпизодтың ешқайсысымен  жауапты, менің ойымды, менің түсініктемемді алған жоқ. Осы жерде қаншама куәлар  жауапқа тартылды. Ол жерде анықталды. Ол жерде қысым көрсетіліп, арызды өз еркімен емес солардың  айтуымен берілгені анықталды", - деді айыпталушы Қуаныш Нысанбаев.

 Естеріңізге салайық, жаға ұстатарлық бұл жағдай былтыр қыркүйекте жария болды. Атырау перинаталдық орталықтың 35 жастағы экс-басшысы тірі туған шақалақты мұздатқышқа салды деген күдікке ілінді. Тергеу кезінде Қылмыстық Кодекстің 8 бірдей бабымен айып тағылды. Айыпталушы орындығында, бұрыңғы басшыдан бөлек, оның қарамағында жұмыс істеген тағы 4 қызметкері отыр. 

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар