Оқиғалар 11.11.2020 сағат 16:40

Полиция қоғамдық тәртіпті бұзған екі шетел азаматын ұстады

Қобландин ұсталғандарға қатысты ҚР Әкімшілік құқық бұзушылық баптары бойынша төрт әкімшілік хаттама толтырылғанын айтты.
Полиция қоғамдық тәртіпті бұзған екі шетел азаматын ұстады
фото: pixabay.com
Бөлісу
Бөлісу
Бөлісу

Көлік полицейлері мас күйде жолаушылап бара жатқан Әзербайжан мен Өзбекстан азаматтарын пойыздан түсіріп алды, деп хабарлады Baq.kz, Көліктегі полиция департаментінің баспасөз қызметіне сілтеме жасап.

Ақтөбе стансасындағы желілік полиция бөлімінің қызметкерлері «Орал-Алматы» бағытындағы жолаушылар пойызынан қоғамдық тәртіпті бұзған 42 және 36 жастағы екі ер адамды түсіріп алған. 

Тексеру кезінде көлік полицейлері құқық бұзушылардың Әзербайжан мен Өзбекстан республикаларының азаматтары екенін анықтаған.

"Ер азаматтар түнгі уақытта мас күйде дөрекі мінез көрсетіп, қоғамдық тәртіпті бұзып, жанындағыларға адамның қадір-қасиетін қорлайтын сөздер айтқан. Осылайша, басқа жолаушылардың тыныштығын бұзған", - дейді Көліктегі полиция департаменті бастығының орынбасары Қалижан Қобландин.

Қобландин ұсталғандарға қатысты ҚР Әкімшілік құқық бұзушылық баптары бойынша төрт әкімшілік хаттама толтырылғанын айтты.

"Ақтөбе қаласының Мамандандырылған әкімшілік сотының қаулысымен шетел азаматтары кінәлі деп танылып, 3 және 2 тәулік мерзімге әкімшілік қамауға алынды", - деді полиция полковнигі.
 

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар