Оқиғалар 15.12.2020 сағат 22:26

Ақмола облысында ауыл әкімі жол апатынан қаза тапты

Қайғылы оқиға 14 желтоқсанда Атбасардан 20 шақырым жерде "Екатеринбург-Алматы" тасжолында болған.
Ақмола облысында ауыл әкімі жол апатынан қаза тапты
фото: tengrinews.kz
Бөлісу
Бөлісу
Бөлісу

Тарасов ауылдық округінің әкімі Мирасхан Мұратов жол апатынан қайтыс болды. Бұл ақпаратты Ақмола облысының әкімдігіндегілер растады, - деп хабарлайды Tengrinews.kz.

Ақмола облысы полиция департаментінің мәліметінше, қайғылы оқиға 14 желтоқсанда Атбасардан 20 шақырым жерде "Екатеринбург-Алматы" тасжолында болған.

"Алдын ала мәліметтер бойынша, DAF автокөлігінің жүргізушісі, Батыс Қазақстан облысы Орал қаласының тұрғыны көлікті басқара алмай, қарсы жолаққа шығып, Державинскінің 51 жастағы тұрғыны басқарған "Ваз-21214" автокөлігімен соқтығысқан. Соңғысы алған жарақаттарынан оқиға орнында қаза болды", - делінген хабарламада.

Аталған факт бойынша Қылмыстық кодекстің 345-бабы 3-бөлімі ("Көлiк құралдарын басқаратын адамдардың жол жүрісі немесе көлiк құралдарын пайдалану қағидаларын бұзып, абайсызда адам өліміне әкеп соғуы") бойынша сотқа дейінгі тексеріс басталды. Сараптама тағайындалды.

DAF көлігінің жүргізушісі уақытша ұстау изоляторына қамалды.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар