Оқиғалар 17.12.2020 сағат 00:12

«Өміріңізді қор қылмаңыз!»: Бішкекте бір жігіттің ерсі әрекеті ВИДЕОға түсіп қалды

Дүкен өкілдері жас жігітке соңғы рет ескерту жасап отырғанын жеткізді.
«Өміріңізді қор қылмаңыз!»: Бішкекте бір жігіттің ерсі әрекеті ВИДЕОға түсіп қалды
фото: pixabay.com
Бөлісу
Бөлісу
Бөлісу

Бішкекте жас жігіт дүкенде гүл шоғын алып, қашып кетті. Бұл жайлы гүл дүкенінің иесі хабарлады.

Ер адамның гүлді алып кеткен видеосы дүкен ішіндегі бейнебақылау камерасына түсіп қалған. Медициналық бетперде таққан ер адам флориспен сөйлесіп болған соң үстел үстіндегі үлкен қызыл раушан гүл букетін алған. Сол жерде тұрған келушілерді итеріп, гүлді алып қашып кетті, деп жазады Sputnik Қырғызстан. 

Дүкендегілер ер адамды ұстай алмаған. Өйткені такси күтіп тұрған. Ал сатушылар көліктің мемлекеттік нөмірін көріп үлгермеді.

"Жігіт әдептілікті сақтап, ақшаны әкеліп береді деп үміттендік. Жұмыс күні аяқталғанша төлем жасайды деп күттік. Қазір бір ай өтті. Видеоны жариялап, ер адамға бір мүмкіндік бергіміз келді. Гүл күтуші болған оқиғадан кейін шошып қалды", - деді дүкен иесі Азамат Аматов.

Дүкен өкілдері жас жігітке соңғы рет ескерту жасап отырғанын жеткізді.

"Егер сіз үш күн ішінде келмесеңіз және букет құнын төлемесеңіз, біз құқық қорғау органдарына жүгінеміз. Батыл болып, бір букет гүл үшін өміріңізді қор қылмаңыз. Сіз келіп, кешірім сұрасаңыз, түсінуге тырысамыз", - деді салон иесі.

Бішкек полициясы бұл оқиғаға қатысты әрекет жасаған жоқ.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар