$ 448.15  483.46  4.86

Қызылордада жанып жатқан автобустан 16 жолаушы өздігінен шыққан

Қызылорда облысы өрт сөндіру және авариялық-құтқару қызметінің баспасөз қызметі мәліметінше, оқиға бүгін, яғни 1 ақпанда, сағат 13.37-де сол жағалауды оң жағалаумен жалғайтын көпірде болған.
Фото: Tengrinews.kz
Фото: Tengrinews.kz

Қызылордада №1 жолаушылар автобусы жүріп бара жатқан кезде өртенді. Оқиға кезінде ішінде 16 адам болған,  - деп жазады tengrinews.kz. 

"Қызылорда" автобус паркі" ЖШС-не тиесілі № 1 автобус толық жанып кетті. Автобус маркасы -Zhong Tong Bus. Ішінде 16 жолаушы болған, барлығы өз бетімен шыққан", - деді ведомствоның баспасөз хатшысы Әлия Ережепова.

Сағат 13.53-те өрт ауыздықталды. Өрт сөндірушілер өрттің себебін анықтайды.

"Алдын ала болжам бойынша, қозғалтқыштың қысқа тұйықталуынан өрт шықты", - деді ведомствоның баспасөз қызметі өкілі.

Жолаушылардың ешқайсысы зардап шекпеген. Оқиға орнына өрт сөндіру және авариялық-құтқару қызметінің тоғыз қызметкері мен үш техникасы барды.

 

Sn.kz порталының басқа да маңызды жаңалықтарын InstagramTelеgramfacebooktwitter және vk секілді әлеуметтік желідегі парақшаларымыздан оқи аласыздар.

Сіздің реакцияңыз?
Ұнайды 0
Ұнамайды 0
Күлкілі 0
Ашулы 0

Серіктес жаңалықтары