Өзім ойнаймын: Төреғали Төреәлі жаңа фильм түсіреді

Белгілі әнші  Төреғали Төреәлі REVUE NEWS бағдарламасында өз өмірі жайлы фильм түсіруді жоспарлап жүргенін айтты, деп хабарлайды Skifnews.kz ақпарат порталы.

Сондай-ақ әншілікті кәсіп етсе де негізгі мамандығы актерлік екенін айтқан Төреғали кино саласынан да кетпейтінін айтты.

Әнші өз өмірі жайлы баяндайтын жаңа фильмді комедия жанрында түсіруге ниетті.

"Актерлік мамандықты бітірдім. Сондықтан бұл саладан кете алмаймын. Алла қаласа, жақында фильм жоспарлап жатырмыз. Комедия жанры болатын шығар. Біздің қазақта комедиясыз болмайды ғой. Өзім ойнаймын. Халыққа қызық болатын шығар. Өзімнің басымнан өткен оқиғалар. Өмірбаян халыққа қызығырақ қой", – деді Төреғали Төреәлі.