«Асфальт төсесін»: Сара Тоқтамысова Назым Қызайбайға да құрмет көрсету керегін айтты

Айтыскер ақын Сара Тоқтамысова Париж Олимпиадасында топ жарған боксшы Назым Қызайбайды жеңісімен құттықтады, деп хабарлайды Skifnews.kz ақпарат порталы.

Айта кетейік, боксшы Париж Олимпиадасының қола медалін иеленді.

“Назым, сен – мықтысың! Қазақтың қоржынын қоламен толықтырдың! Үйіңнің алдына ғана емес, ауылыңа қарай асфальт салып берсе де жарасады. Шынын айтсам қыздардың боксын көре алмайды екенмін. Өте ауыр спорт түрі екен”, – деп жазды айтыскер ақын.

Еске салайық, 5 тамыз күні Париж Олимпиадасының чемпионы Елдос Сметов Қазақстанға оралып, Таразға ат басын тіреді. Елге оралуына байланысты жергілікті әкімшілік атақты спортшы тұратын көшені абаттандыру шараларын қолға алған.