«Алтын көрсе періште жолдан таяды»: Жазира Байырбекованың жазбасы көпшілікті ойландырып қойды

Ешкімнің ала жібін аттамай, ешкімге қиянат жасамай, біреудің отбасына, табысына, көз салмай Алланың таза жолымен жүруді нәсіп етсін.

Фото: https://vk.com/zhanbolat.zhazira

Танымал әнші Жазира Байырбекова шетелде демалып жүріп, қызық оқиғаға тап болды. Өнер иесі рұқсатсыз біреудің затын алуға қатысты жазба жариялады, деп хабарлайды Skifnews.kz ақпарат порталы.

“Бүгін Даратайым құмның арасынан әдемі әшекей тауып алды. Бәріміз "періште алтын көрсе жолдан таяды" дегендей әшекейдің әдемілігіне тамсанып тағып бердік. Бірер минуттан кейін, “біреудің затын алуға болмайды ғой, шешіп берші құмның үстіне қоя салайын” дедім. Қанша қызығып тұрса да одан бас тартты.
Ешкімнің ала жібін аттамай, ешкімге қиянат жасамай, біреудің отбасына, табысына, көз салмай Алланың таза жолымен жүруді нәсіп етсін”, – деп жазды әнші.