«Өлтіремін деді»: Блогер Мадлен Таиландта оқыс жағдайға тап болды

Танымал блогер Мадлен Таиландтағы демалысында келеңсіз оқиғаға тап болғанын айтты, деп хабарлайды Skifnews.kz ақпарат порталы.

Ол шетелге анасы және әпкесінің балаларымен демалысқа кеткен. Мадлен жергілікті такси жүргізушісімен болған жанжалға байланысты Пхукеттегі қонақүйін ауыстырған. 

“Осы жағдайға байланысты өзімді өте жәйсіз сезіндім. Күні бойы суға түспедім. Тамақ жей алмадым. Қатты ауырып тұрмын. Қорыққанымнан жарты күн жыладым”, – деп жазды блогер. 

Сөзінше, такси жүргізушісі қонақүйден кешігіп шыққаны үшін қатты ашуланып, ұруға дейін барған. 

“Пхукеттегі қазақтардың ашқан мейрамханасына барғымыз келіп, такси шақырдық. Әпкемнің балаларын бірге ертіп шықтық. Олар бала емес пе, такси келгенде әлі киінбепті. Содан анаммен бірінші қабатқа түсіп кеттім. Олар артымыздан келе жатыр деп ойладық. Такси қонақ үйдің алдында күтіп тұр екен. Мен ағылшынша, “5 минут күте тұрыңызшы, балалар үлгермей жатыр” дедім. Көлігін тұраққа ыңғайлы етіп қойған. Ешкім мазасын алып жатқан жоқ. 5 минут күткені үшін де ақшасын төлеуге дайын болдым. Бір кезде маған айқайлап ұрыса бастады. Қатты сөздер айтып, ашуланып кетті. Менің тарапымнан ешқандай агрессия болмады. Бір кезде анам екеумізді фотоға түсіріп, даусымызды жазып алды. Маған қарап: “Мен сені өлтіремін, суретке түсіріп алдым” деді. Қатты қорқып кеттік. Мен ештеңе түсінген жоқпын. Әлі де қорқынышымды баса алмай жатырмын. Қонақ үй алмастырып, ауданымыздан көшіп кеттік”, – деді желі жұлдызы.