«Болашақта не болатынын білмеймін»: Бағым Мұхитденова жантебірентерлік жазба жариялады

Жақында жолдасынан айырылған әнші, продюсер Бағым Мұхитденова жантебірентерлік жазба жариялады, деп жазады Skifnews.kz ақпарат порталы.

Айта кетейік, ақпан айында продюсер Әділжан Юсупов дүние салған еді. 

“Мен болашақта не болатынын білмеймін. Сондықтан да өзгерістерді ұнатпаймын. Бірақ менен ешкім не қалайтынымды сұрамайды. Тек оны қабылдап жатырмын. Ешқандай мүмкіндігім жоқ”, – деп жазды продюсер.

Еске салайық, өнер иесі әпкесі Баян Мақсатқызының шоу-мюзиклінде өнер көрсеткен еді. Одан кейін жеке парақшасында марқұм жолдасына арнап, жазба жариялады. 

"Сенсіз өткен 40 күн. Әрине, кейінірек таңертең ерте тұрып жақсы көңіл-күймен, бақытты боламын, күлімдеп, қуанамын! Алла Тағала ғұмыр бергенше өмір сүремін! Мен көктем мен жақсы ауа-райына риза боламын, әртүрлі ұсақ-түйектерге және басқалардың барлығына қуанатын боламын, бірақ бүгін емес, өйткені бүгін мен сені мәңгілікке шығарып салып жатырмын", – деп жазған еді музыка саласының өкілі.