"Алты айдан бері тағып жүрмін".
Танымал әнші Жанар Айжанова саусағын сындырып алғанда өзі емдеп жазғанын айтты, - деп хабарлайды Skifnews.kz ақпарат порталы.
Өнер иесі сынған саусағын дәрігерлердің емдей алмағанын көрсетті.
“Былтыр саусағым сынды. Соған гипстен соғылған күміс жүзікті тағып алдым. Арнайы зергерге барып, жасаттым. Негізі бұл – оймақ пен шошақ жүзік. Сынған сүйектерді емдейді екен. Ата-бабамыздың даналығында сөз жоқ. Алты айдан бері тағып жүрмін. Сүйектері орнына келіп, сіңірлері жалғаныпты. Әйтпесе осы саусақты Сызғанов емханасының хирургтары емдей алмап еді”, – деді әнші.
Желі қолданушылары түрлі пікір білдіріп, таңдай қағысты.
“Сызғанов клиникасына тек ақша керек”, “Марқұм әжем де күміс тағып жүретін”, “Жанар апай кемпірдің қызы, көп дүние біледі”, “Ата-әжелеріміз ненің пайдалы, пайдасыз екенін біліп өткен”, “Жанардың аузы ашылса, көмейінен біз білмейтін салт-дәстүр төгіледі”, – деп жазды көпшілік.